Пайгамбар шайтандан сураган экен....

Ибн Аббас (разияллаху анху) айткан: "Пайгамбар алейхис салам бир күнү шайтандан сураган экен:

- Менин үммөтүмдөн өзүңө жакын досторуң барбы? - дегенде, ал айтыптыр:

Он түрдүү адам менин досторум:

• Заалым падыша;
• Текебер киши;
• Арам менен иши болбостон байлык топтогон киши;
• Бийликтегилердин туура эмес иштерин көрүп туруп, аны колдогон аалым;
• Кыянатчы соодагер;
• Эл муктаж болгон азык оокатты арзан алып, кымбаттаганда сатам деп, сактаган киши;
• Зынаакор;
• Сүткор;
• Сараң;
• Араккеч;

Анда Пайгамбар алейхис салам:

- Душмандарың кимдер? - дегенде, шайтан:

- Душмандарым мына булар дептир:

• Биринчи өзүңсүң, анан илимине амал кылган молдо;
• Куран окуп ага амал кылган адам;
• Беш маал намазга азан айткан азанчы;
• Жакыр-жардыларга, жетим-жесирлерге жардамдашкан адам;
• Боорукер, чынчыл, жаш болсо да ибадатка берилген адам;
• Кудай үчүн бир-бири менен достошкндор;
• Жамаат менен намаз окуганга кызыккандар;
• Түндө тахажжуд намазын окугандар;
• Арамдан алыс болгон, элге насаат айтып, алардын оңолушуна дуба кылгандар;
• Дайым дараат менен жүргөн, мүнөзү жакшы, тагдырга баш ийген, өлүмгө даяр жүргөн адамдар."