Шүгүр кылгын!

Шүгүр кылгын!

Шүгүр кылгын! алып жаткан демиңе,

Шүгүр кылгын! жашап жаткан жериңе,

Шүгүр кылгын! туура болсо диниңе,

Шүгүр кылгын! таза болсо дилиңе

Шүгүр кылгын! түйшүк кетсе башыңдан,

Шүгүр кылгын! илим алсаң жашыңдан

Шүгүр кылгын! жакшылык келсе колуңдан,

Шүгүр кылгын! аалым чыкса урпагыңдан.

Шүгүр кылгын! алыс болсоң жамандан,

Шүгүр кылгын! жебес болсоң арамдан

Шүгүр кылгын! байлык тапсаң адалдан,

Шүгүр кылгын! сабак алсаң  катаңдан.

Шугүр кылгын! мээрим болсо жүрөгүңдө,

Шүгүр кылгын! жашап жатсаң бул өмүрдө

Шүгүр кылгын! аман калсаң кырсыктан,

Шүгүр кылгын! бакыт тапсаң тынчтыктан .

Шүгүр кылгын! амал кылсаң сүннөткө,

Шүгүр кылгын! жардам берсең үммөткө,

Шүгүр кылгын! өнүгүү болсо элиңде 

Шүгүр кылгын! тынчтык болсо жериңде.

Шүгүр кылгын! зекет берсең малыңдан,

Шүгүр кылгын! урмат көрсөң кызыңдан

Шүгүр кылгын! батасын алсаң атаңдын,

Шүгүр кылгын! нурун көрсөң ак таңдын.