Даанышмандардын бири айткан экен: Дайыма мени менен макул болгон адамдан эч нерсе үйрөнгөн эмесмин.

Акыл - түндө алдыңдагы шам чырак,

Билим алсаң маңдай ачык жаркырап.

Акыл, билим көп нерсеге жеткирет,

Бул экөөнөн урмат-сыйды көп көрөт.

Билим менен деп айтыптыр акылман,

Күнөөкөр да тозок отунан кутулган!

Акылдуунун иши дагы салмактуу,

А түркөйлөр - майда, жеңил, камгак бу.

Кимде-эгер акыл болсо, олжо табаар,

Кимде-ким билим алса, бек аталаар.

Акылды карызга эчким бербейт колго,

Акыл - бул, Жараткандан алган олжо.