Бани исрайил коомундагы илимдүү

Байыркы заманда Бани исрайил коомунан бир киши сексен сандык толо илимге ээ болсо да, илими ишке жарабаган экен. Анан ошол замандын пайгамбарына Алла Таала аян берип, алиги адамга мындай деп айтууну буюрган экен:

Мынадан да мол илимге ээ болсоң деле үч нерсени кылбасаң илимиңден пайда жок.

• Бул дүйнөгө кызыкпа, анткени бул дүйнө - ыймандуу адамга түбөлүк түнөк боло албайт.
• Шайтанды ээрчибе, анткени ал ыймандуу пенденин досу эмес, касы.
• Дил азарлык кылба, себеби көңүлдү иренжитүү мусулмандын иши эмес.